महायुतीचे उमेदवार उदयनराजे भोसले यांना विजयी करा ; डॉ. अतुलबाबा भोसले

चांगभलं ऑनलाइन | कराड प्रतिनिधी
सातारा लोकसभा मतदारसंघातील कराड दक्षिण विधानसभा मतदारसंघात सत्ताधारी महायुतीच्या माध्यमातून विकासाचे अनेक प्रश्न मार्गी लागले आहेत. शेकडो कोटींचा विकास निधी मिळाला आहे. विकासाचा हा वेग कायम ठेवण्यासाठी भाजपा महायुतीचे उमेदवार श्रीमंत छत्रपती खासदार उदयनराजे भोसले यांना कमळ चिन्हा समोरील बटन दाबून प्रचंड मताधिक्याने विजयी करा, असे आवाहन भाजपाचे सातारा लोकसभा प्रभारी तथा राज्य कार्यकारणी सदस्य डॉ. अतुलबाबा भोसले यांनी केले.

सातारा लोकसभेचे भाजपा महायुतीचे उमेदवार खा. श्री. छ. उदयनराजे भोसले यांच्या निवडणूक प्रचारार्थ बेलवडे बुद्रुक ता. कराड येथे आयोजित बैठकीत ते बोलत होते. भाजपाचे जिल्हा उपाध्यक्ष हर्षवर्धन मोहिते, सरपंच डॉ. सुशांत मोहिते , माजी उपसरपंच पै. संभाजी मोहिते, महेंद्र कांबळे आदींसह युवक कार्यकर्ते , मतदार उपस्थित होते.

डॉ. अतुल भोसले म्हणाले, कराड दक्षिण विधानसभा मतदारसंघात खा. श्री. छत्रपती उदयनराजे भोसले यांच्या तसेच भाजपा महायुती सरकारच्या माध्यमातून कोट्यावधी रुपयांचा विकास निधी मंजूर झाला आहे. विकासाची ही घोडदौड कायम ठेवण्यासाठी उदयनराजे भोसले यांना विजयी करावे. पंतप्रधान नरेंद्र मोदी यांचे सरकार हे आश्वासक सरकार आहे. मोदींनी अनेक प्रश्नांची गॅरंटी दिली आहे. ते जे बोलतात ते करतात, हे त्यांनी त्यांच्या कामातून दाखवून दिले आहे. त्यांनी सार्वजनिक हिताच्या अनेक योजना राबवल्या आहेत. त्यांनी ‘अबकी बार ४०० पार’ ची हाक दिली आहे. ती पूर्ण करण्यासाठी उदयनराजे भोसले यांच्या पाठीशी जनतेने ठाम उभे राहावे, असे आवाहनही डॉ. भोसले यांनी केले.

यावेळी हर्षवर्धन मोहिते, डॉ. सुशांत मोहिते, महेंद्र कांबळे यांनीही मनोगत व्यक्त केले.