चांगभलं ऑनलाइन | कराड प्रतिनिधी
जनकल्याण प्रतिष्ठान संचालित सरस्वती विद्यामंदिर व विद्यालय, कराड मध्ये रथसप्तमी चे औचित्य साधून जागतिक सूर्यनमस्कार दिन साजरा करण्यात आला.
प्रतिष्ठान चे संचालक नितीन गिजरे, मुख्याध्यापिका रुपाली तोडकर, सोनाली जोशी यांच्या हस्ते सूर्यनारायणाच्या प्रतिमेचे पूजन करून कार्यक्रमाची सुरुवात झाली.
प्रशांत मुंढेकर यांनी सजीवांच्या जीवनातील सूर्याचे महत्व विषद केले तर समन्वयक विजय कुलकर्णी यांनी भौगोलिक दृष्टिकोनातून पृथ्वीचे भ्रमण व भारतातील ऋतूनिर्मिती याची माहिती दिली.
सर्व विद्यार्थांनी सकाळच्या प्रसन्न व शुद्ध वातावरणात सूर्यमंत्र म्हटला. तसेच सूर्याची बारा नावे उच्चारण करत सूर्यनमस्कार घातले. कार्यक्रमाचे नियोजन दीपक पाटील, सुहास पाटील, सुवर्णा काटकर, राहूल मोरे यांनी केले. दिपाली पवार यांनी सूत्रसंचालन केले.
