सातारा | चांगभलं वृत्तसेवा
सातारा जिल्ह्यात अवकाळी पावसाने जोरदार सुरुवात केली असून शनिवारी दि. 24 रोजीच्या सकाळी आठ वाचण्यापूर्वीच्या 24 तासात जिल्ह्यात सरासरी 33.4 मिमी इतका पाऊस झाला आहे. महाबळेश्वरला सर्वाधिक 55.7 मिमी इतका तर जावली-मेढा तालुक्यात अवघा 4.1 मिमी पाऊस झाला.
सातारा जिल्ह्यात गेल्या तीन ते चार दिवसापासून वेगवेगळ्या भागात अवकाळी पावसाने जोरदार धरला आहे. या पावसामुळे नद्यांची पाणी पातळी वाढली आहे. छोटे ओढे, ओहोळ तुडुंब भरू लागले आहेत. तलावांची घटलेली पाणी पातळी काही प्रमाणात वाढू लागली आहे. शनिवारी सकाळी आठ वाजण्यापूर्वीच्या 24 तासात पुणे विभागात 32.3 मिमी इतका पाऊस झाला तर सातारा जिल्ह्यात सरासरी 33.4 मिमी इतक्या पावसाची नोंद झाली आहे.
जिल्ह्यातील तालुकानिहाय झालेला पाऊस मिमी मध्ये याप्रमाणे – सातारा 34.9, जावळी मेढा- 4.1 मिमी, पाटण 30.8 मिमी, कराड 33.8 मिमी, कोरेगाव 34.7 मिमी, खटाव वडूज – 34.5 मिमी, माण दहिवडी – 34.3 मिमी, फलटण 24.3 मिमी, खंडाळा 25.9 मिमी, वाई 35.1 मिमी, तर महाबळेश्वर 55.7 मिमी.
