चांगभलं ऑनलाइन | कराड प्रतिनिधी
कराड शहर पोलीस ठाणेच्या गुन्हे प्रकटीकरण शाखेने दिनांक 4 नोव्हेंबर 2023 रोजी रात्री कराड शहरात थरारक पाठलाग करून सराईत तडीपार गुंडाला बेड्या ठोकल्या. अविनाश प्रताप काटे, असे पोलिसांनी पकडलेल्या तडीपार संशयीताचे नाव आहे.
कराड शहर पोलीस ठाणे हद्दीतील रेकॉर्डवरील संशयित अविनाश प्रताप काटे व त्याचे इतर साथिदार यांना कराड शहर पोलीसांनी 02 वर्षासाठी हद्दपार केले आहे. मात्र तडीपार असताना अविनाश हा कराड शहर पोलीस ठाणे हद्दीतील कराड बसस्थानक येथे येवून दहशत माजवत असल्याची माहिती कराड शहर पोलीस ठाणेचे गुन्हे प्रकटीकरण पथकाचे पोलीस उपनिरिक्षक आर. एल. डांगे यांना मिळाली होती. पोलीस उप निरिक्षक आर. एल. डांगे हे तात्काळ डी. बी. पथकासह सदर ठिकाणी पोहचले. पोलिसांची चाहूल लागतात तडीपार असलेल्या अविनाश प्रताप काटे या याने पालन करण्याचा प्रयत्न केला. मात्र पोलिसांनी पाठलाग करुन त्यास ताब्यात घेतले.
सदरची कामगिरी पोलीस अधीक्षक समीर शेख, अपर पोलीस अधीक्षक आंचल दलाल यांच्या मार्गदर्शनाखाली कराड विभागाचे पोलीस उपाधीक्षक अमोल ठाकुर, वरिष्ठ पोलीस निरीक्षक प्रदीप सूर्यवंशी यांच्या मार्गदर्शनाखाली पोलीस उपनिरिक्षक आर.एल.डांगे, सहाय्यक फौजदार रघुवीर देसाई, सहाय्यक फौजदार देवकुळे, हवालदार शशिकांत काळे, संतोष पाडळे, कुलदिप कोळी, आनंदा जाधव, मुकेश मोरे, दिग्विजय सांडगे, अमोल देशमुख, सोनाली पिसाळ यांच्या पथकाने केली आहे.
