श्री राम मंदिर मूर्ती प्रतिष्ठापना सोहळ्यानिमित्त कराड बनले राममय
शहरातील विविध धार्मिक कार्यक्रमांना डॉ. अतुलबाबा भोसले यांची उपस्थिती
चांगभलं ऑनलाइन | कराड प्रतिनिधी
अयोध्येत उभारण्यात आलेल्या भव्य श्री राम मंदिराचे लोकार्पण पंतप्रधान मा. श्री. नरेंद्रजी मोदी यांच्या शुभ हस्ते उत्साहात करण्यात आले. हा ऐतिहासिक असा मंगलमय सोहळा कराडकरांनी सणाच्या रुपात साजरा केला. या सोहळ्यानिमित्त कराडमध्ये ठिकाठिकाणी विविध मंदिरांमध्ये आयोजित महाआरती, पूजा, प्रसादवाटप अशा धार्मिक कार्यक्रमांचे आयोजन करण्यात आले होते. या कार्यक्रमांना भाजपाचे सातारा लोकसभा प्रभारी डॉ. अतुलबाबा भोसले यांनी उपस्थिती लावून, श्री रामाचे दर्शन घेतले.
कराड येथील छ. शिवाजी हौसिंग सोसायटीतील श्री राम मंदिर, श्री कृष्णामाई मंदिर, श्री दत्त मंदिर, श्री संत नामदेव मंदिर, मंगळवार पेठेतील श्री जोतिबा मंदिर व सुपर मार्केट येथील जैन मंदिरात आयोजित कार्यक्रमांना डॉ. अतुलबाबा भोसले यांनी भेटी देऊन, श्री राम मंदिर मूर्ती प्रतिष्ठापना सोहळा साजरा केला.
