चांगभलं ऑनलाइन | कराड प्रतिनिधी
येथील यशवंतराव चव्हाण महाविद्यालयात आयोजित केलेल्या ५१ व्या तालुकास्तरीय विज्ञान प्रदर्शनात झालेल्या विज्ञान प्रश्नमंजुषा स्पर्धेत जनकल्याण प्रतिष्ठान संचलित सरस्वती विद्यालय, कराडच्या विद्यार्थ्यांनी यश संपादन केले.
या स्पर्धेत इयत्ता सहावीमधील रुद्र देशपांडे व अभिजीत कुलकर्णी या विद्यार्थ्यांना लहान गटामध्ये द्वितीय क्रमांक प्राप्त झाला. तर इयत्ता नववी मधील पियुष रेठरेकर व स्वराज देसाई या विद्यार्थ्यांना मोठ्या गटांमध्ये तृतीय क्रमांक प्राप्त झाला आहे. या सर्व विद्यार्थ्यांना स्मिता पतंगे, दिपाली पवार, दिपाली काकडे आणि स्वाती जाधव यांनी मार्गदर्शन केले.
सर्व यशस्वी विद्यार्थ्यांचे जनकल्याण प्रतिष्ठानचे अध्यक्ष शिरीष गोडबोले, उपाध्यक्ष तुकाराम चव्हाण, सचिव अनिल कुलकर्णी, जनकल्याण प्रतिष्ठानचे सर्व विश्वस्त, मुख्याध्यापिका सोनाली जोशी , समन्वयक विजय कुलकर्णी यांनी अभिनंदन केले आहे.
