भाजपाचे प्रदेशाध्यक्ष आ. चंद्रशेखर बावनकुळे यांची शनिवारी विंगमध्ये प्रचारसभा
कराड दक्षिण विधानसभा मतदारसंघात महायुतीच्या प्रचाराचा होणार शुभारंभ
चांगभलं ऑनलाइन | कराड प्रतिनिधी
सातारा लोकसभा मतदारसंघाचे भारतीय जनता पार्टी, शिवसेना, राष्ट्रवादी काँग्रेससह मित्रपक्षांच्या महायुतीचे अधिकृत उमेदवार खासदार श्रीमंत छत्रपती उदयनराजे भोसले यांच्या प्रचारार्थ विंग (ता. कराड) येथे शनिवारी (ता. २७) सायंकाळी ६ वाजता प्रचार सभेचे आयोजन करण्यात आले आहे. या सभेला भाजपचे प्रदेशाध्यक्ष आ. चंद्रशेखर बावनकुळे संबोधित करणार आहेत.
कराड दक्षिण विधानसभा मतदारसंघात महायुतीच्या प्रचाराचा शुभारंभ शनिवार दि. २७ एप्रिल रोजी विंग येथे सायंकाळी ६ वाजता चावडी चौकात हनुमान मंदिरासमोरील पटांगण येथे आयोजित केला आहे. सभेला सातारा लोकसभा महायुतीचे उमेदवार खा. श्रीमंत छत्रपती उदयनराजे भोसले, ज्येष्ठ नेते मदनराव मोहिते, य. मो. कृष्णा सहकारी साखर कारखान्याचे चेअरमन डॉ. सुरेश भोसले, माजी आमदार आनंदराव पाटील, भाजपचे सातारा लोकसभा प्रभारी डॉ. अतुलबाबा भोसले, सातारा भाजपा जिल्हाध्यक्ष धैर्यशील कदम, भाजपा प्रदेश उपाध्यक्ष विक्रम पावसकर यांच्यासह राष्ट्रवादी काँग्रेस पक्षाचे नेते राजेश पाटील – वाठारकर, राजाभाऊ पाटील – उंडाळकर, जितेंद्र डुबल, माजी उपनगराध्यक्ष राजेंद्रसिंह यादव, शिवसेना नेते अक्षय मोहिते, काकासाहेब जाधव, सुलोचना पवार, दलित महासंघाचे नेते मच्छिंद्र सकटे, आरपीआयचे नेते आप्पासाहेब गायकवाड, भाजपाचे शहराध्यक्ष एकनाथ बागडी तसेच महायुतीचे नेते उपस्थित राहणार आहेत. तरी लोकांनी जास्तीत जास्त संख्येने उपस्थित रहावे, असे आवाहन भाजपा कराड दक्षिण मंडल अध्यक्ष धनाजी पाटील यांनी केले आहे.
कराड उत्तरमध्येही उद्या उंब्रजला सभा….
सातारा लोकसभेचे महायुतीचे उमेदवार मा.श्रीमंत छत्रपती उदयनराजे भोसले यांच्या प्रचारा निमित्त उद्या दिनांक 27.4.2024 रोजी सायंकाळी 5 वाजता बाजार पटांगण उंब्रज येथे प्रचार सभा आयोजित केली आहे.
सदर सभेस श्रीमंत छत्रपती उदयनराजे भोसले, भाजपचे प्रदेशाध्यक्ष चंद्रशेखर बावनकुळे, जिल्हाध्यक्ष धैर्यशिल कदम, कराड उत्तर निवडणूक प्रमुख मनोज घोरपडे, सातारा लोकसभा समन्वयक रामकृष्ण वेताळ, प्रदेश सचिव महेश जाधव, सुरेश पाटील, शंकर शेजवळ आदी आजी-माजी पदाधिकारी उपस्थित राहणार आहेत.
