सद्गुरू श्री वामनराव पै यांचा सोमवारी १०१व्या जयंतीनिमित्त दिव्य स्मरण उत्सव
चांगभलं ऑनलाइन | सातारा प्रतिनिधी
जीवनविद्या मिशन, मुंबई, ज्ञान साधना केंद्र, सातारा यांच्यावतीने थोर समाजसुधारक, तत्वज्ञ सद्गुरु श्री वामनराव पै यांच्या १०१ व्या जयंतीनिमित्त दिव्य स्मरण उत्सव सोमवार, दि. २१ रोजी आयोजित करण्यात आल्याची माहिती सातारा केंद्राच्या अध्यक्ष सौ. संगीता शिराळे यांनी दिली.
जीवनविद्या मिशन आयोजित सद्गुरु श्री वामनराव पै यांच्या १०१ व्या जयंतीनिमित्त दिव्य स्मरण उत्सव आदरणीय श्री. प्रल्हाद वामनराव पै यांच्या मार्गदर्शनाखाली सोमवार, दि. २१ ऑक्टोबर २०२४ रोजी सायंकाळी ५ ते ७ या वेळेत आयोजित केले आहे. या दिव्य स्मरण उत्सवात नवी मुंबई येथील सद्गुरूंचे सतशिष्य प्रबोधनकार विश्वनाथ कामत हे “सद्गुरु महिमा अगाध ” या विषयावर प्रबोधन करणार आहेत. या कार्यक्रमाचे सातारा जिल्हा मध्यवर्ती सहकारी बँकेच्या किसन वीर हॉल, शिवाजी सर्कल, पोवई नाका येथे आयोजन करण्यात आले आहे.
सद्गुरु श्री वामनराव पै यांच्या १०१ व्या जयंतीनिमित्त दिव्य स्मरण उत्सवास उपस्थित राहावे, असे आवाहन सातारा ज्ञानसाधना केंद्राच्या अध्यक्ष सौ. संगीता शिराळे, सचिव सौ. शितल साबळे, खजिनदार श्री. प्रतिक शिंदे, हिशोब तपासणीस श्री. युवराज फडतरे यांनी आवाहन केले आहे.
त्याचप्रमाणे सातारा येथील ज्ञानसाधना केंद्राच्या वतीने श्री सद्गुरु वामनराव पै यांचा अगणित पुण्याची प्राप्ती करून देणारा उपासना यज्ञ, विश्वप्रार्थना जप यज्ञ व प्रबोधन दर शनिवारी सायंकाळी ५ ते ७ वाजता श्री सिध्दीविनायक गणेश मंदिर खेड चौक येथे तर दर रविवारी सायंकाळी ५ ते ७ या वेळेत श्री गोराराम मंदिर प्रतापगंज पेठ, सातारा येथे आयोजित करण्यात येत आहे. या विश्व प्रार्थना नागरिकांनी उपस्थित राहावे, असे केंद्रातर्फे करण्यात आले आहे.
