चांगभलं ऑनलाइन | कराड प्रतिनिधी
आगाशिवगड निसर्ग सेवा व इनरव्हील क्लब ऑफ कराड संगम आणि वृक्ष प्रेमी समूह आगाशिवगड यांच्या संयुक्त विद्यमानाने आगाशिवगडावर 101 झाडांचे वृक्षारोपण करण्यात आले.
यावेळी विविध प्रकारची फळझाडे , फुलझाडे , औषधी वनस्पती आणि वेगवेगळ्या प्रकारच्या रोपट्यांचे रोपण करण्यात आले. यावेळी इनरव्हील क्लब ऑफ कराड संगमच्या प्रेसिडेंट सौ. अपूर्वा पाटणकर, सेक्रेटरी सारिका शहा, प्रोजेक्ट चेअरमन सारिका कुंभार, एक्झिक्यूटिव्ह कमिटी नंदा आवळकर, एडिटर निमीशा गोर तसेच वृक्ष प्रेमी अजित सांडगे आणि त्यांचे सहकारी, वृक्षप्रेमी इस्माईल मुलाणी, अभिजीत पवार, प्रणव मोरे तसेच वरद पवार यांच्याकडून निसर्ग सेवा करण्यात आली. त्यामध्ये आगाशिव गडावरील झाडांना पाणी पाणी देण्यात आले, झाडांना मल्चिंग करण्यात आले . झाडांची पाहणी करून साफसफाई करण्यात आली. पक्षी तीर्थमध्ये पाणी भरण्यात आले. वृक्ष संवर्धनासाठी सर्वांचे उस्फुर्त योगदान मिळाले.
