चांगभलं ऑनलाइन | कराड प्रतिनिधी
नामदेवराव पाटील यांनी मिळवलेले यश हे त्यांच्या चिकाटीने व कष्टाने मिळविलेले आहे. त्यांच्याकडे दूरदृष्टी तसेच कष्टावर निष्ठा असे गुण त्यांच्याकडे आहेत. असे गोरवोदगार माजी मुख्यमंत्री आ. पृथ्वीराज चव्हाण यांनी नामदेवराव पाटील यांच्या वाढदिवसानिमित्त आयोजित कार्यक्रमात केले. यावेळी मध्य प्रदेश मधील धार चे माजी आमदार करणसिंह पवार, अजितराव पाटील, मनोहर शिंदे, प्रा. धनाजी काटकर, निवास थोरात, राजेंद्र चव्हाण, शंकराराव खबाले, नीलम येडगे, विद्याताई थोरवडे, गीतांजली थोरात, अर्चनाताई पाटील, झाकीर पठाण, इंद्रजित चव्हाण, राहुल चव्हाण, फारूक पटवेकर, राजेंद्र यादव, मोहनराव शिंगाडे, अशोकराव पाटील, प्रदीप जाधव आदीसह काँग्रेस कार्यकर्ते यावेळी उपस्थित होते.
यावेळी आ. पृथ्वीराज चव्हाण म्हणाले कि, नामदेवराव पाटील यांचा वाढदिवस ते कुटुंबियांसमवेत किंवा मित्रांसमवेत साजरा करू शकत होते पण तस न करता आप्पानी आपण ज्या पक्षाचे तसेच विभागाचे प्रतिनिधित्व करतो अशा काँग्रेस कार्यकर्त्यांसमवेत वाढदिवस साजरा केला गेला हा अत्यंत स्तुत्य उपक्रम आहे. नामदेवराव पाटील यांनी त्यांच्या वारुंजी गणात जास्तीत जास्त निधी आणला. आपल्या भागाचा कायापालट झाला पाहिजे ही भावना त्यांची कायम जाणवते.
यावेळी नामदेवराव पाटील म्हणाले कि, कुटुंबियांच्या साथीमुळे मला माझ्या व्यवसायात यश मिळवता आले. तसेच राजकीय जीवनात एक ओळख माझी आदरणीय पृथ्वीराज बाबांच्यामुळे निर्माण झाली. काँग्रेस पक्षाचा पंचायत समिती सदस्य या नात्याने माझ्या गणात जास्तीत जास्त निधी पृथ्वीराज बाबांच्या माध्यमातून आणता आला.
