चांगभलं ऑनलाइन | कराड प्रतिनिधी
इनरव्हील क्लब ऑफ कराड संगमच्यावतीने राबवण्यात येत असलेल्या विविध सामाजिक उपक्रमांचा एक भाग म्हणून नुकतीच एका मूकबधिर आणि गरजू मुलीला तिच्या लग्नासाठी संसार उपयोगी वस्तू व आर्थिक स्वरूपात मदत देण्यात आली.
या माध्यमातून इनरव्हील क्लब ऑफ कराड संगमने तिच्या संसाराला हातभार लावला.
याबाबतची माहिती अशी, इनव्हिल क्लब ऑफ कराड संगमच्यावतीने नेहमीच समजोपयोगी कामात गरजूंना मदत केली जाते. या उपक्रमाच्या अंतर्गत क्लबच्यावतीने एका मूकबधिर गरीब आणि गरजू मुलीला लग्नासाठी संसार उपयोगी वस्तू आणि आर्थिक स्वरूपात मदत करण्यात आली. क्लबच्या पदाधिकारी अपूर्वा पाटणकर , सारिका शहा , माहेश्वरी जाधव , आशा सावंत, नंदा आवळकर , डॉ. शैलजा कुलकर्णी, अलका शिंदे , दिपाली लोहार , संध्या जाधव यांनी यासाठी सहकार्य केले.
लग्न सोहळ्यात प्रेसिडेंट अपूर्वा पाटणकर, सेक्रेटरी सारिका शहा , आय एस ओ सारिका वेल्हाळ , माहेश्वरी जाधव यांनी ही मदत तिच्याकडे सुपूर्द केली.
