विटा शहरात डॉ. बाबासाहेब आंबेडकर यांची जयंती मोठ्या उत्साहात साजरी

चांगभलं ऑनलाइन | विटा प्रतिनिधी
रिपब्लिकन पार्टी ऑफ इंडिया (आठवले) पक्षाचे खानापूर तालुका अध्यक्ष नवनीत लोंढे यांच्या नेतृत्वाखाली मौजे वाळूज येथे महामानव भारतरत्न डॉ.बाबासाहेब आंबेडकर यांच्या 133 व्या जयंतीनिमित्त विविध उपक्रमांनी जयंती मोठा उत्साहात साजरी करण्यात आली.

वाळूज येथे बुद्ध विहार मध्ये त्रिशरण पंचशील घेऊन उपस्थित समाज बांधवांना जयंतीनिमित्त तालुकाध्यक्ष नवनीत लोंढे यांनी मार्गदर्शन केले. तर विटा येथे डॉ.बाबासाहेब आंबेडकर यांच्या पुतळ्यास पुष्पहार अर्पण करून मोठ्या उत्साहात जयघोष करण्यात आला. पोलीस स्टेशनमध्ये डॉ. बाबासाहेब आंबेडकर यांच्या जयंतीनिमित्त प्रशासकीय कर्मचारी यांना भेट देऊन शुभेच्छा दिल्या व विटा शहरात खाऊ वाटप करण्यात आला.

यावेळी सांगली जिल्हा संघटक नवनीत लोंढे, ( तालुकाध्यक्ष खानापूर), कलाकार संघटना जिल्हाध्यक्ष सुनीलभाऊ तोरणे, अलकाताई भंडारे (महाराष्ट्र सहसचिव), सांगली जिल्हा उपाध्यक्षा अश्विनीताई तोरणे, खानापूर तालुका कर्तव्यदक्ष महिला तालुकाध्यक्ष प्रा‌.निकीता तुषार लोंढे, रोहिणी कांबळे, सांगली जिल्हा उपाध्यक्ष, चंद्रकांत कांबळे, अमोल सकट, गणेश भिसे, दशरथ मोटे, सुरेश कांबळे खानापूर तालुका उपाध्यक्ष, शरद घाडगे उपाध्यक्ष खानापूर, बसीर मुजावर मुस्लिम आघाडी तालुका अध्यक्ष, गणेश लोखंडे तालुका उपाध्यक्ष, इंद्रजीत यादव तालुका संघटक, यांच्यासह समाज बांधव मोठ्या संख्येने उपस्थित होते.