डॉ. अतुलबाबा भोसले यांच्या प्रचारार्थ उपमुख्यमंत्री ना. देवेंद्र फडणवीस यांची शुक्रवारी मलकापूरमध्ये जाहीर सभा
चांगभलं ऑनलाइन | कराड प्रतिनिधी
कराड दक्षिणमधील भारतीय जनता पार्टी, शिवसेना, राष्ट्रवादी काँग्रेस, आर.पी.आय. व मित्रपक्षांच्या महायुतीचे अधिकृत उमेदवार डॉ. अतुलबाबा भोसले यांच्या प्रचारार्थ राज्याचे उपमुख्यमंत्री ना. देवेंद्र फडणवीस शुक्रवारी कराड दौऱ्यावर येत आहेत. ना. फडणवीस यांची जाहीर सभा शुक्रवार दि. १५ नोव्हेंबर २०२४ रोजी सकाळी ११.३० वाजता मलकापुरातील बैल बाजार रोडवरील श्री गणपती मंदिरामागील पटांगणावर होणार आहे.
कराड दक्षिण विधानसभा मतदारसंघांमध्ये भाजपा महायुतीचे उमेदवार डॉ. अतुलबाबा भोसले यांचा प्रचार प्रभावीपणे सुरू आहे . विंग (ता. कराड) येथे केंद्रीय गृहमंत्री ना. अमित शाह यांनी डॉ . अतुलबाबा भोसले यांच्या प्रचारासाठी जाहीर सभा घेतली होती. त्यानंतर आता मलकापूर (ता. कराड) येथे शुक्रवारी (ता. १५) सकाळी ११.३० वाजता उपमुख्यमंत्री ना. देवेंद्र फडणवीस यांची जाहीर सभा होणार आहे.
या सभेला जिल्ह्यातील भाजपा आणि महायुतीतील घटक पक्षांचे प्रमुख नेते , पदाधिकारी उपस्थित राहणार आहेत. या सभेची मलकापुरातील विस्तीर्ण पटांगणावर जय्यत तयारी सुरु आहे. कार्यकर्त्यांनी व कराड दक्षिण मधील जनतेने या सभेला उपस्थित राहावे, असे आवाहन भाजपाचे कराड तालुकाध्यक्ष पैलवान धनंजय पाटील यांनी केले आहे.
