चांगभलं ऑनलाइन | कराड प्रतिनिधी
देशाचे माजी उपपंतप्रधान, महाराष्ट्राचे पहिले मुख्यमंत्री स्वर्गीय यशवंतराव चव्हाण यांच्या पुण्यतिथी निमित्त राज्याचे माजी मुख्यमंत्री तथा काँग्रेसचे आमदार पृथ्वीराज चव्हाण यांनी शनिवारी प्रीतीसंगमावरील स्वर्गीय यशवंतराव चव्हाण यांच्या समाधीस्थळी जाऊन पुष्पचक्र अर्पण करून अभिवादन केले.
यावेळी काँग्रेसचे मनोहर शिंदे, शिवराज मोरे, राहुल चव्हाण, युवा नेते इंद्रजीत चव्हाण, निलम येडगे, विद्याताई थोरवडे, प्रदीप जाधव, झाकीर पठाण, निवासराव थोरात, शिवाजीराव मोहिते, देवदास माने, यांच्यासह अन्य पदाधिकारी, कार्यकर्ते उपस्थित होते.
अभिवादन केल्यानंतर शेजारीच पर्णकुटी मध्ये सुरू असलेल्या भजनाला आ. पृथ्वीराज चव्हाण यांनी कार्यकर्त्यासमवेत उपस्थिती लावली.
