चांगभलं ऑनलाइन | कराड प्रतिनिधी
कराड शहरात, दिवाळी सणानिमित्त नगरपालिकेकडून रविवार दिनांक १२ नोव्हेंबर २०२३ रोजी एक दिवस व मंगळवार दिनांक १४ नोव्हेंबर व बुधवार दि. १५ नोव्हेंबर २०२३ या तीन दिवसांत शहरातील सकाळच्या पाणी पुरवठा वेळेत नगरपालिकेच्या पाणीपुरवठा विभागाकडून बदल करणेत आला आहे.
बदललेल्या वेळेनुसार सोमवार पेठ पाण्याचे टाकीमधून सकाळी ०५.३० ते ०६.३०, सुर्यवंशी मळा पाण्याचे टाकीतून नेहमी प्रमाणे तसेच रुक्मीणी नगर पाण्याचे टाकीमधून सकाळी ०६.०० ते ०७.००, व गजानन हौसींग सोसायटी पाण्याचे टाकीमधून नेहमी प्रमाणे, याशिवाय रविवार पेठ पाण्याचे टाकीमधून सकाळी ६.०० ते ७.००, टाऊन हॉल पाण्याचे टाकीमधून सकाळी ६.०० ते ७.००, मार्केट यार्ड पाण्याचे टाकीमधून नेहमी प्रमाणे पाणी पुरवठा केला जाणार आहे.
मंगळवार दिनांक १४ नोव्हेंबर रोजी सायंकाळचा पाणी पुरवठा नेहमीप्रमाणे करणेत येणार आहे, अशी माहिती पालिकेचे प्रशासक तथा मुख्याधिकारी नौकरी खंदारे यांनी पत्रकाव्दारे दिली आहे.
