चांगभलं ऑनलाइन | कराड प्रतिनिधी
मोटरसायकलवरून कोल्हापूर ते पुणे निघालेल्या दुचाकीस्वाराच्या दुचाकीला वनवासमाची ता. कराड गावच्या हद्दीत अज्ञात वाहनाने पाठीमागून धडक दिली. यामध्ये कोल्हापूर जिल्ह्यातील दुचाकीस्वार गंभीर जखमी झाला. शुक्रवारी दुपारी पाच वाजण्याच्या सुमारास पुणे-बेंगलोर महामार्गावर हा अपघात झाला. रत्नाकर विष्णू मिसाळ वय ४० रा. येवलुस , ता. करवीर जि. कोल्हापूर असे अपघातातील जखमीचे नाव आहे.
या अपघाताची माहिती बालम भालदार यांनी डीपी जैनचे पीआरओ ऑफिसर दस्तगीर आगा यांना फोन करून कळल्यानंतर आगा यांनी हायवे हेल्पलाइन ॲम्बुलन्सला ताबडतोब फोन करून जखमीला अॅबुलन्स मध्ये घालून कृष्णा हॉस्पिटल येथे दाखल केले. जखमीला रूग्णालयात पाठविण्यासाठी महेश पोहाळ, महेश सूर्यवंशी , ब्रदर सुमित यादव, दस्तगीर आगा, संभाजी घुटुगडे यांनी मदत केली.
