अप्पर पोलीस अधीक्षक डॉ. वैशाली कडूकर यांचे संभाजी पुरीगोसावी यांच्याकडून स्वागत
चांगभलं ऑनलाइन | सातारा प्रतिनिधी
सातारा जिल्ह्याच्या अप्पर पोलीस अधीक्षक डॉ . वैशाली कडूकर मॅडम यांची सातारा पोलीस मुख्यालयातील त्यांच्या दालनात संभाजी पुरीगोसावी भेट घेऊन त्यांचे स्वागत करून जिल्ह्यातील कारकिर्दीसाठी त्यांना शुभेच्छा दिल्या.
राज्यांतील मागील काही दिवसांपूर्वी म्हणजेच ( दि 14 ऑगस्ट 2024 ) रोजी आगामी विधानसभा निवडणुकीच्या पार्श्वभूमीवर आयपीएस अधिकाऱ्यांच्या बदल्यांचे आदेश काढण्यात आले होते. त्यात जवळपास 11 अप्पर पोलीस अधीक्षकांच्या बदल्या करण्यात आल्या होत्या. त्यामध्ये प्रामुख्याने साताऱ्याचे अप्पर पोलीस अधीक्षक आँचल दलाल-डुडी यांची समादेशक राज्य राखीव पोलीस बल पुणे येथे बदली करण्यात आली होती. त्यांच्या जागेवर सोलापूर येथील कार्यरत असणाऱ्या पोलीस प्रशिक्षण प्राचार्य केंद्र सोलापूर येथील अप्पर पोलीस अधीक्षक डॉ. वैशाली कडूकर यांची नियुक्ती झाली असून. डॉ. वैशाली कडूकर यांनी अप्पर पोलीस अधीक्षक म्हणून (दि. 31 ऑगस्ट रोजी) आपल्या पदाचा पदभार स्वीकारला आहे.
डॉ. वैशाली कडूकर यांची शिस्तप्रिय आणि डॅशिंग महिला पोलीस अधिकारी म्हणून महाराष्ट्रांच्या पोलीस खात्यात त्यांची ओळख असून तळागाळातून कष्ट व चिकाटीने प्रयत्न करीत एमपीएससी परीक्षेत पहिल्याच प्रयत्नात यश प्राप्त करणाऱ्या जिगरबाज महिला अधिकारी आहेत. नूतन अप्पर पोलीस अधीक्षक डॉ. वैशाली कडूकर यांनी देखील आत्तापर्यंत उस्मानाबाद पुणे ग्रामीण ( हवेली ) सीआयडी ( पुणे ) सांगली, सोलापूर शहर अशा विविध जिल्ह्यात उत्कृष्ट सेवा केली आहे.
