चांगभलं ऑनलाइन | कराड प्रतिनिधी
कराड शहरातील रुद्र राजेंद्र खोत या क्रिकेट खेळाडूची 14 वर्षाखालील रणजी सामन्यांसाठी, मुंबई जिमखाना मर्या मुंबई यांच्या रणजी संघात निवड झाली आहे. कराडकरांसाठी हा एक आनंदाचा क्षण असल्याने भारतीय जनता पार्टी कराड शहराच्यावतीने रुद्र याचा भव्य सत्कार करून त्याला रणजी क्रिकेट सामन्यांसाठी शुभेच्छा देण्यात आल्या.
याप्रसंगी कराड शहर अध्यक्ष एकनाथ बागडी, जिल्हाउपाध्यक्ष प्रमोद शिंदे, सरचिटणीस प्रशांत कुलकर्णी, महिला मोर्चा अध्यक्ष वर्षा सोनावले, केमिस्ट आघाडी अध्यक्ष संजय शहा, राहुल आवटी, शारदा तानाजी खोत, मुग्धा राजेंद्र खोत, सई राजेंद्र खोत, त्रिवेणी पाटील, महेश कांबळे, जितेंद्र आकाराम खोत, पृथ्वी पिसाळ, माधवी कांबळे, प्रणव कांबळे, विनोद बनसोडे आदी उपस्थित होते.
रुद्र हा कराड शहर भाजपचे सचिव राजेंद्र खोत यांचा सुपुत्र आहे. यावेळी कराड दक्षिणचे युवा नेते व भाजपाचे राज्य कार्यकारणी सदस्य डॉ. अतुल भोसले यांच्यावतीनेही ओंकार ढेरे व सागर माने यांनी रुद्र याचा सत्कार करून त्याला शुभेच्छा दिल्या.
