चांगभलं ऑनलाइन | सातारा प्रतिनिधी
राष्ट्रवादीचा बालेकिल्ला समजल्या जाणाऱ्या सातारा लोकसभा मतदारसंघातील हाय व्होल्टेज लढतीत भाजपा महायुतीचे उमेदवार खा. श्नी. छ. उदयनराजे भोसले यांनी विजय साकारला होता. सामान्य मतदारांच्या जोरावर मिळालेल्या या विजयश्रीचे खरे श्रेय महायुतीमधील प्रत्येक कार्यकर्त्यांचे आणि पदाधिकारी यांचे आहे. त्यामुळेच जनतेच्या आणि कार्यकर्त्यांच्या ऋणात राहुनच त्यांच्या विषयी आदरभावयुक्त आभार मानण्याचा खासदार उदयनराजे भोसले यांचा मानस आहे. त्यामुळे लोकसभा मतदारसंघातील विधानसभा मतदारसंघानिहाय आभार दौऱ्याचे येत्या शुक्रवार व शनिवारी आयोजन केले आहे, अशी माहिती भारतीय जनता पार्टीचे सातारा लोकसभा संयोजक श्री. सुनील काटकर यांनी दिली आहे.
महायुतीच्या मतदारांचे आभार मानताना, पुढील काळात अधिक सक्षमपणे लोकसेवा सुरू ठेवण्याचा प्रयत्न खासदार श्रीमंत छत्रपती उदयनराजे भोसले यांचा राहणार आहे. त्यासाठी दोन दिवसांच्या आभार दौऱ्याचे नियोजन करण्यात आले आहे. शुक्रवार, दि. २१ जून २०२४ रोजी सकाळी ११.०० वाजता ‘जितराज’ मंगल कार्यालय कोरेगाव येथे ना. महेश शिंदे, डॉ. प्रियाताई शिंदे, डॉ. अरुणाताई बर्गे, श्री. शिवाजीराव महाडिक, श्री. सुनील खत्री, श्री. जयवंत पवार, श्री. भरत मुळे यांच्या प्रमुख उपस्थितीत व कोरेगाव विधानसभा मतदारसंघातील सर्व महायुतीच्या हितचिंतक, सन्माननीय कार्यकर्ते व पदाधिकारी यांच्या समवेत आभार मेळावा होईल.
त्याच दिवशी दि. २१ रोजीच सायंकाळी ६.०० वाजता कराड उत्तर विधानसभा मतदारसंघातील अश्वमेध मंगल कार्यालय, मसूर या ठिकाणी सायंकाळी सहा वाजता भारतीय जनता पार्टी जिल्हाध्यक्ष धैर्यशील कदम, कराड उत्तर विधानसभा निवडणूक प्रमुख मनोज घोरपडे, रामकृष्ण वेताळ, चित्रलेखाताई कदम, कुलदीप क्षीरसागर, संपतराव माने, वासुदेवराव माने, भीमराव पाटील, श्री. शंकर शेजवळ, शेतकरी संघटनेचे सचिन नलावडे, जितेंद्र डुबल, मनसेचे विकास पवार आदी प्रमुख कार्यकर्त्यांसह महायुतीच्या कराड उत्तरमधील कार्यकर्ते, हितचिंतक यांच्या समवेत आभार मेळावा होईल.
दुसऱ्या दिवशी शनिवार, दि. २२ जून रोजी दुपारी एक वाजता स्वर्गीय बाळासाहेब देसाई शताब्दी सभागृह मरळी, ता. पाटण या ठिकाणी पालकमंत्री ना. श्री. शंभुराज देसाई, रविराज देसाई, यशराज देसाई, तसेच माजी आमदार नरेंद्र पाटील, भारतीय जनता पार्टीचे भरतनाना पाटील, विधानसभा निवडणूकप्रमुख विक्रमबाबा पाटणकर, महिला आघाडीप्रमुख सौ. कविता कचरे, संजय देसाई यांच्या प्रमुख उपस्थितीत व पाटण विधानसभा
मतदारसंघातील महायुतीचे सर्व कार्यकर्त्यांच्या उपस्थितीत आभार मेळाव्याचे आयोजन करण्यात आले आहे.
शनिवारी सायंकाळी कराड दक्षिणचा आभार मेळावा…
दि. २२ रोजीच सायंकाळी सहा वाजता कराड दक्षिण विधानसभा मतदारसंघातील ज्येष्ठ मार्गदर्शक डॉ. सुरेश भोसले, भारतीय जनता पार्टीचे सातारा लोकसभा प्रभारी डॉ. अतुल भोसले, विनायक भोसले, माजी आमदार आनंदराव पाटील, विक्रम पावसकर, कराड दक्षिण शिवसेना नेते श्री. राजेंद्र यादव, कराड दक्षिण विधानसभा निवडणूक प्रमुख धनाजी पाटील, श्री. राजेश पाटील, श्री. विजय यादव, श्री. सुधीर एकांडे यांच्यासह सर्व हितचिंतकांच्या समवेत आभार मेळावा होणार आहे.
दोन दिवसांच्या या आभार दौऱ्यात आरपीआयचे जिल्हाध्यक्ष अशोक गायकवाड, रिपाइ कवाडे गटाचे युवराज कांबळे, मनसे नेते धैर्यशील पाटील, युवराज पवार, डॉ. महेश गुरव, हिम्मतराव माने, पवन निकम तसेच महायुतीतील घटक पक्षातील ज्येष्ठ मार्गदर्शक व सर्व पदाधिकारी उपस्थित राहणार आहेत. तरी कोरेगाव व कराड तालुक्यातील आभार मेळाव्यास महायुतीमधील सर्व घटक पक्षाच्या कार्यकर्त्यांनी, पदाधिकारी आणि उदयनराजे भोसले यांच्यावर प्रेम करणाऱ्या सर्वांनी उपस्थित राहावे, असे आवाहन जलमंदिर पॅलेस कार्यालयाच्या वतीने भारतीय जनता पार्टीचे सातारा लोकसभा संयोजक श्नी. सुनील काटकर यांनी केले आहे.
