चांगभलं ऑनलाइन | कराड प्रतिनिधी
वनवासमाची ता. कराड गावाच्या हद्दीत महादेव मंदिरा शेजारी बिबट्याचे पिलू मृत अवस्थेत आढळून आले आहे. शनिवारी १३ एप्रिल रोजी सकाळी ७.३० वाजण्याच्या सुमारास ही बाब ग्रामस्थांच्या लक्षात आली.
त्यानंतर वनविभागाचे अधिकारी घटनास्थळी दाखल झाले आहेत. तळबीड पोलीसही घटनास्थळी दाखल झाले आहेत. वनवासमाची डोंगर परिसरात बिबट्याचा वावर आहे.यापुर्वी मृतावस्थेत एक बिबट्या आढळून आला होता. तसेच विद्युत वाहिनीवर अडकल्याने बिबट्याचा मृत्यू झाला होता.
दरम्यान आज सकाळी मृत बिबट्याचा बछडा आढळून आल्याने खळबळ उडाली असून सदर बछड्यांचा मृत्यू नेमका कशाने झाला , याबाबत वन विभागाकडून तपास सुरू आहे.
