चांगभलं ऑनलाइन | कराड प्रतिनिधी
नांदगाव (ता.कराड) येथील मातोश्री सिंधुताई विश्वनाथ सुकरे स्मृती मंच व कै. सौ. द्वारकाबाई तुकाराम सुकरे प्रतिष्ठानच्या वतीने दिवाळीनिमित्त किल्ला बनवा स्पर्धा आयोजित करण्यात आली याची माहिती ग्रामपंचायत सदस्य प्रशांत सुकरे यांनी दिली.
गतवर्षीपासून किल्ला बनवा स्पर्धा घ्यायला प्रारंभ केला असून सलग दुसऱ्या वर्षी या स्पर्धा घेतल्या जात आहेत. छत्रपती शिवाजी महाराजांचे विचार व कार्य आजच्या लहान मुलांच्या मध्ये रुजावे. त्यांना गडकिल्ल्यांची माहिती व्हावी या हेतूने या स्पर्धेचे आयोजन करण्यात आले आहे.विजेत्यांना आकर्षक बक्षिसे देण्यात येणार आहेत. सहभागी सर्व स्पर्धकांना प्रमाणपत्र देण्यात येणार आहे. तरी स्पर्धेत नांदगाव, नवीन नांदगाव येथील १० वी पर्यंत च्या विद्यार्थ्यांनी मोठ्या संख्येने सहभागी व्हावी असे आवाहन मोहित सुकरे यांनी केले आहे.
