कराडला डॉ. बाबासाहेब आंबेडकर स्वयंसेवक संघाकडून विद्यार्थी दिन साजरा

चांगभलं ऑनलाइन | कराड प्रतिनिधी
विश्वरत्न डॉ. बाबासाहेब आंबेडकर स्वयंसेवक संघ कराड यांच्यावतीने विद्यार्थी दिनाचे औचित्य साधून शहरातील बुधवार पेठेतील डॉ. आंबेडकर चौकात शालेय विद्यार्थी, विद्यार्थिनींना शालेय साहित्याचे वाटप व खाऊ वाटप करण्यात आले.

विश्वरत्न डॉ. बाबासाहेब आंबेडकर यांचा शाळा प्रवेश दिन 7 नोव्हेंबर हा दिवस शासनाने विद्यार्थी दिन म्हणून घोषित केला आहे. या दिनाचे औचित्य साधून मंगळवार दिनांक 7 नोव्हेंबर रोजी शहरातील बुधवार पेठेत डॉ. बाबासाहेब आंबेडकर चौकात विश्वरत्न डॉ. बाबासाहेब आंबेडकर स्वयंसेवक संघाच्यावतीने प्राथमिक व माध्यमिक शाळा मधील विद्यार्थी व विद्यार्थिनींना शालेय साहित्याचे वाटप व खाऊ वाटप करण्यात आले. यावेळी स्वयंसेवक संघाचे पदाधिकारी, सदस्य, कार्यकर्ते, महिला स्वयंसेवक, तसेच बुधवार पेठ परिसरातील नागरिक उपस्थित होते.

प्रस्ताविकेचे वाचन व संविधान शपथ…
विद्यार्थी दिनाचे औचित्य साधून डॉ. बाबासाहेब आंबेडकर यांच्या पुतळ्यासमोर प्रारंभी विद्यार्थी-विद्यार्थिनींनी संविधान प्रस्ताविकेचे वाचन केले. त्यानंतर संविधान शपथ देण्यात आली. यावेळी महिला स्वयंसेवकांनी भीम गीते सादर केली.