चांगभलं ऑनलाइन | कराड प्रतिनिधी
कराड-चांदोली रोडवर काले गावच्या हद्दीतील डाळिंबीची बाग परिसरातील चौकात रस्ता ओलांडणाऱ्या दुचाकीची व एसटीची धडक होऊन झालेल्या अघाघात दुचाकीवर पाठीमागे बसलेल्या युवकाचा मृत्यू झाला. हा अपघात मंगळवारी सकाळी सव्वा अकराच्या सुमारास झाला. चंद्रकांत उर्फ बाबासो काकासो भोसले, वय 56, धोंडेवाडी ता. कराड असे मृताचे नाव आहे.
घटनास्थळावर काही काळ वाहतूक विस्कळीत झाली होती. नांदगाव दूरक्षेत्राच्या पोलीस कर्मचाऱ्यांनी वाहनांचे अडथळे दूर करून वाहतूक सुरळीत केली.
याबाबत मिळालेली माहिती अशी, पांढऱ्या रंगाच्या एम एच 50 एच 39 35 क्रमांकाच्या एक्टिवा मोटरसायकलवरील दोघेजण कराड श-चांदोली रस्ता ओलांडत असताना, कराड आगाराच्या एम एच 40 ए क्यू 63 69 या क्रमांकाच्या एसटी बसची व एक्टिवा मोटरसायकलची धडक होऊन अपघात झाला. या अपघातात मोटरसायकलवरील धोंडेवाडी येथील चंद्रकांत उर्फ बाबासो काकासो भोसले वय 56 हा युवक जागीच ठार झाला. कराड आगाराची एसटी उंडाळेकडून कराडकडे येत असताना डाळिंबीची बाग परिसरात हा अपघात झाला. अपघातात दुचाकीचे मोठे नुकसान झाले आहे. अपघाताची नोंद कराड ग्रामीण पोलीस ठाण्यात झाली असून नांदगाव दूरक्षेत्राचे हवालदार प्रशांत जाधव तपास करत आहेत.
